اسمه الاول على وزن رمان ونسي قرايبه زمان وفي السياسة ليس بفنان ولا يشار له بالبنان وافكاره قديمة من ايام التركمان وهو من سكان عمان .. ويقول دائما انا من مواليد نيسان وبفكر حاله من الحيتان وقطع المية عن مادبا وذيبان ياما فرط رمان وهو ليس من جماعة شومان وبغني اغنية لينا وعدنان ودايما فاتح النار على الاخوان. اسمه الثاني من احد اعضاء الجسم وعلى النيابة ياما رسم .. اله علاقة بالاسكانات وعمره ما لبس الحطات ويداوم على المجلس متأففا من كثرة الجلسات ويعاني دسك الرقبة والويلات ولا تجده يناقش على المحطات ويتلعثم كثيرا على الفضائيات .. يحب السفريات وخصوصا اذا كانت على حساب المياومات بحب شوكلاته كت كات وبحط جل عالشعرات ونوع الرنج بركب سيارات وما بدعم الجمعيات وبشارك بكل المناسبات وبلف كل العطاءات لصالح حيتان الاسكانات، مشكلجي وبحب الهوشات . صدره دايما مفتوح وبحب الخبز المشروح والنسكافيه من ايده ما بتروح ومن دخانه في المكتب ما بتلوح . عيشته كلها رخاء ولا يعطي الناس بسخاء وبالمجلس الثامن عشر ما اله عطاء فهل عرفتم ابن الصحراء ..