الشاهد -
اسمه الاول من الاعتماد ودايم يحث على الجهاد ولا يجيد الاعداد وباب مكتبه عليه رداد وبفكر حاله عنتر ابن شداد .. عليه من زمان قيد وما بنشوفه الا بالعيد ورأيه ليس سديد ورأسه عنيد وحلمه بالحقيبة الوزارية بعيد وبحياته مش سعيد وعمره ما لبس جديد .. اسمه الثاني على وزن كوكحي وبس اتشوف طوله بتقول تلولحي .. اصله من الشمال مش من الجنوب وبين قرايبه مش محبوب وما بعرف المصطبة من سلحوب ومطبخه اشتراه من طهبوب وعند الجد بقلك يا ابو هروب ومن عند ابو علي بشتري خروب وبسمع بالليل لطروب وما بتغدى الا بعد الغروب وعالمنسف بصب شروب وفي المجلس لهلوب .. إله علاقة بشارع السعادة وبدخل بكل اشي الله يقطعها من عادة .. اردني من ايام زمان فرده جنب الجزدان وبدافع عن الحكومة اكثر من سوبر مان ورايح جاي على لبنان وما بتعرف على الجيران وعدو لداعش من ايام الفرمان، صوره علقت على الحيطان وفي دكان ابو حميدان ولا يذكر شيئا من الامثال ولا يحب الجلوس الا مع الجيران او تسكعه بشوارع عوجان بقوله شوفيني انا ابو عبيان ، دايم دوم غافي ونعسان ، كان بعمل في البستان في السياسة هو ليس بفنان ولا يشار له بالبنان وافكاره قديمة من ايام التركمان وشاطر باللف والدوران ويقول دائما انا من مواليد نيسان وفي البلدية نعسان ومشهور بالمقاولات والبنيان. من عجلون بدأت الحكاية وفي الزرقاء كملت الرواية واتعلم فيها الف باء بوبايه واخطاؤه بدها محايه واهل صخرة نفسهم يشوفوا منه براية فهل عرفتم هذا اللي خلفته داية ..