الشاهد -
اسمه الاول على اسم النبي العدنان ويا الله شو منان وهالايام صيته رنان وعلى عودته لمجلس النواب زنان .. اسمه الثاني من دلع الاطفال وساكن قريب من حي الارسال .. محامي ومش طبيب وللبلى كبيب ولعيب شدة وطرنيب ويتغنى على اطلال الحبيب ومن الاشارة يفهم لانه لبيب والنسور كان اله حسيب والبطوش كان اله رقيب وللمناسف شريب . اله محلات ومخازن وما حدا داري عنه وين كاين وغاطس ومش باين وللناس مش مساعد ولا عاين وعمره ما كان على المجلس ماين . نظم عمل الجامعات وعمره ما حب السفرات والرحلات وما أله صولات ولا جولات وشغل عرض عضلات وما بعرف يتعامل مع البرلمانات وسوالفه كلها فرضيات ومعبي جيبته من المياومات . دق على صدره كثير وصوته طالع من بير وبصحى الصبح بكير وشوف الصحة كيف بتصير قروي ويشرب من مية الزير وطاير زي الزرازير وبحلم يصير سفير وغياباته ما ألها تدبير . قراراته كلها بدون اطلاع ولتاريخ المحاماه باع والعلامات سواها مشاع والنسور من وراه ضاع والنواب مدوله باع .. نظارته زي غوار وهو من انصار بشار والتعليم اله كار وعلى طريق النجومية سار وزي الفلفل الحلو مش نافع ولا ضار والسعود منه بغار وبنقز بس يشوف فار وضعه هالايام نار ولقرايبه مش كثير بار وعلى عيونه في مجلس النواب ثار وناصر جودة اله جار وما بحب يوكل الا حار وع المناسف دار وفرنسا زار ومن منصبه اكيد طار .