الشاهد -
اسمه الاول على وزن ضايف واكثر كلمة بقولها كايف والمجلس منه عايف والناس اله مش ضايف على عكس شمال وعمره ما لبس عقال واصوله من حدود الشمال وبحب كثير الجمايل وبمجلس النواب عمل الهوايل ومن الهم حمله مايل ولكل سنه شايل ومن معارفة مش طايل . اسمه الثاني اصفر اللون وبس يشوفك بقلك اشلون وافكاره ضد شارون يا الله شو بوكل الخضراوات وبحب من شوكلاته كت كات .. وعنده اسطول سيارات وما بدعم بعض الجمعيات وما بنعزم على المناسبات .. بالسلط اله قرايب وراسه شايب وما ظل اله حبايب والشمالات اله نسايب .. دفع كل المصاري .. عشان يأخذ لقب سعادة ومعالي .. وشكله ابيض من الموز الصومالي وعنده سيارة فراري .. وبحب الشاكرية والمسخن الدرعاوي .. وساكن بعبدون من ايام سود الليالي .. بحب يوكل هبر وبعامل منتخبيه معاملة التتر والطيبة من قلبه انتحر وشكلو راح يطير على القمر ومش رح يركب سيارة الهمر .. اليورو والدولار عمه والفيس بوك بدمه والبقاء في منصبه اكبر همه والورد ما شمه والاسافين بدمه واللعب فنه .. بلندن كان نفسه يخلص تعليمه وقاعدته بتقول الله لا يقيمه .. في المجلس لا يوجد له شيوع بحكي كلمة وما اشطره بالرجوع ومنطقته خضرا واكثر ربوع بالنزله بهور وبقصر بالطلوع وصوته بالمجلس مش مسموع واكثر كلامه عن الخبز والجوع وبين قرايبه ما اله سطوع وعالحكومة الجاية ما اله مرجوع دايما طاش وضارب كوع حبره خالص وقلمه مفطوع وعمره ما عمل مشروع وما بعرف المجرور من المرفوع وبشكي ودايما موجوع ..