اسمه الاول من الحمد وعمره ما حكى جد وللفساد عمره ما لد وامواله الكثيرة ما الها عد .. فاضي ما عنده جديد وبقول ان في الوزارة العقيد والموظفين بس يحكوا عنه بقول عنه البعيد ورأيه ليس سديد وبفكر حاله فريد .. اسمه الثاني من الفرح وبافكار الناس سرح ولموازنة الدولة عمره ما اقترح وبالحكومة الثقه ما فكر ولا طرح .. بحب الاهازيج الاردنية وجاء نجاحه بشوشرية، وبعجلون عمل صاجية لصحابه الدجيتلية ووزع مهلبية عندما حاز على عضوية اللجنة القانونية. قالوا عنه مستوفي الشروط وافكاره كلها هبوط وفي الموازنة كان السقوط .. حصل على عضوية مجلس النواب بكل عناء .. ولا يخلو من الدهاء والذكاء، وهو ليس عضوا في كتلة الاخاء وخدماته زي المية في الصحراء .. بحذر من الفاسدين وعمره على ابواب الستين .. ما اله اصحاب في مجلس النواب وشو ما سأل الحكومة ما بتعطيه جواب وعلاقته بالاعلام ليست طياب .. فتح النار بكل الكلمات والمناسبات وامتلك الوثائق والمستندات لكنه لم يجرؤ على تقديم الاستجوبات .. اتهم الحكومات السابقة بعدم محاربة الفساد وبالليل بوكل رشاد وبدلاته من ايام قوم عاد ولديونه مش ساد .. عنده الكثير من الجبروت وبالصيف نايم على شجر التوت فهل عرفتم هذا الكتكوت ..