اسمه الاول على اسم اغنى الانبياء وسامع كلام النمل ويرقص كالذباب ويلسع كالنحل وفارغ زي الطبل ودقق على الموظفين فيس بوك وتويتر والايميل وفلاهم من القمل وكان ماسك منصبين من قبل .. اسمه الثاني قريب من الحماية وبس يتوضأ بلبس حفاية وطول نهاره امدد على الكنباية وما بتفضى قدامه الطفاية .. وزير عدا الثمانين وبعده بدور على مناصب وبطل لاشي مناسب ولمحبة الناس مش كاسب .. ركبوله جناح وطيروه وبالمالية علموه .. دخل وحملوه ثلاث بطيخات .. وبجهل بعمل الادارات وبحلم بالمليارات وباسطول سيارات وشغل جخه ولبس بدلات وبدور على العلاوات .. وما بعرف بالطبيخ غير عمل القلايات .. شو جاب لجاب .. بتطرح عليه السلام وما بتلاقي منه جواب وبالدنيا مش قاري ولا كتاب غير اكل المشاوي والكباب وبطرب لعبدالوهاب ويلهث وراء السراب وعن العمل العام عمره ما تاب وعلى اصحابه وقرايبه قلاب والصندوق صار بعهده عذاب .. جاي من بلاد البلوط وبحر السياسة بعده بلبوط شايف حاله ومشعوط وبقول عن حاله مضغوط وبشغله مش مضبوط وكلامه مغلوط .. وما بعرف فقير ولا بعرف جوع .. والان صار مخلوع وبفكر حاله بالمنصب الحكومي منقوع ..