اسمه الاول خير الانام، ويخبص بالكلام.. وعنده قلق وما بنام .. وما بعرف طريق الدوام .. وبحب اكل الشمام وبطبعه تمام وما بعرف البحتري ولا ابو تمام ومش حافظ اسماء ذوي المقام ومضيع الارقام .. ووجهه سمح وبسام لكنه مش همام. اسمه الثاني من الجمال وكل المناصب اله دلال وقاعد في مكانه من ايام الاطلال .. دخل وحملوه ثلاث بطيخات .. وبجهل بعمل الادارات وبحلم بالمليارات وباسطول سيارات وشغل جخه ولبس بدلات وبدور على العلاوات .. وما بعرف بالرياضة غير عمل القلايات .. شو جاب لجاب .. بتطرح عليه السلام وما بتلاقي منه جواب وبالدنيا مش قاري ولا كتاب غير اكل المشاوي والكباب وبطرب لعبدالوهاب ويلهث وراء السراب وعن الاتحاد العربي عمره ما تاب وعلى اصحابه وقرايبه قلاب والاتحاد صار بعهده عذاب .. جاي من بلاد البلوط وبحر السياسة بعده بلبوط شايف حاله ومشعوط وبقول عن حاله مضغوط وبشغله مش مضبوط وكلامه مغلوط بمغلوط .. وما بعرف فقير ولا بعرف جوع .. اخر سنه اله وبعدها مخلوع وبفكر حاله بالاتحاد منقوع .. نفسه يصير طبيب وللبلى كبيب ولعيب شدة وطرنيب ويتغنى على اطلال الحبيب ومن الاشارة يفهم لانه لبيب والمجالي كان اله حسيب والدستور كان اله رقيب وللمناسف شريب .. اله محلات وشركات افلام ومخازن وما حدا داري عنه وين كاين وغاطس ومش باين وللناس مش مساعد ولا عاين وعمره ما كان على الاتحاد ماين.. فهل عرفتم هذا الكائن.