اسمه الاول على عكس شمال وعمره ما لبس عقال واصوله من حدود الشمال وبحب كثير الجمايل وبمجلس النواب عمل الهوايل ومن الهم حمله مايل ولكل سنه شايل ومن معارفة مش طايل . اسمه الثاني قريب من شوكلاته كت كات و انمسك بهرب مخدرات في احدى الشاحنات وعنده اسطول سيارات وما بدعم يعض الجمعيات التس تعنى بامور الشاميات .. وحيد ام واب وما بشرب الا سفن اب .. دفع كل المصاري ..عشان ياخذ لقب معالي ..وشكله بيض من الموز الصومالي وعنده سيارة فراري وعلاقته كويسة بالناوي العماوي وبحب الشاكرية والمسخن الدرعاوي ..وساكن بعبدون من ايام سود الليالي . بحب يوكل هبر وبعامل منتخبيه معاملة التتر والطيبة من قلبه انتحر وشكلو راح يطير على القمر ومش رح يركب سيارة الهمر .. اليورو والدولار عمه والفيس بوك بدمه والبقاء في منصبه اكبر همه والورد ما شمه والاسافين بدمه واللعب فنه .. بلندن خلص تعليمه والشفيريه بتقول الله لا يقيمه .. بالصناعة اله كار وكان سيد الدار وبالمركزي رفع سعر الدولار . حاطينة عالرف ومش شاطر بالصف وضعيف كل يوم بوكل كف ولمصاري الشركات شف وبالليل يقضيها بالطف ومحله سكرتيرة الرئيس بتصف والله لا يوريه شو بده يصير فيه هذا الصيف .. في وزارته دارج واسمه الاول اكثر شيوع بحكي كلمة وما اشطره بالرجوع ومنطقته خضرا واكثر ربوع بالنزله بهور وبقصر بالطلوع وصوته بالمجلس مش مسموع واكثر كلامه عن الخبز والجوع وبين قرايبه ما اله سطوع وعالحكومة الجاية ما له مرجوع دايما طاش وضارب كوع حبره خالص وقلمه مفطوع وعمره ما عمل مشروع وما بعرف المجرور من المرفوع وبشكي ودايما موجوع .. مواليد الاثنين وستين واصابه سكر وبشرب انسولين وما بحب يقعد مع مسؤولين وعينه دايما على المصورين عشان يقول صار من المشهورين وبس يكذب برتفع عنده الادرينالين وعمره اوائل الخمسين ونائب مين والناس نايمن ..قراء الشاهد على عرفتم هذا مين ..؟؟