اسمه الاول على وزن شرير وافعاله ما الها تبرير وبتعشى جرجير بفكر حاله بتصرفه الاخير كبير وفكره شرير وبالليل ما بنام قرير دق على صدره كثير وصوته طالع من بير وبصحى الصبح بكير ويفطر كبده وجرجير وشوف الصحة كيف بتصير واحصل على سفر كثير قروي ويشرب من مية الزير وطاير زي الزرازير وبحلم يصير وزير وغياباته ما ألها تدبير. اسمه الثاني قريب من معنى طباخ وببث سمه مثل البخاخ .. اله محلات ومخازن وما حدا داري عنه وين كاين وغاطس ومش باين وللناس مش مساعد ولا عاين وعمره ما كان على المجلس ماين .. وابصر على مين راكن .. بحب السكني من الالوان وصوته زي الكروان وأصحابه من العدوان وعمره ما رح يرجع عالبرلمان وجمعة وسبت بنسى اربد بقضيها بعمان .. نفسه يصير طبيب .. ولعيب شدة وطرنيب ويتغنى على اطلال الحبيب ومن الاشارة يفهم لانه لبيب والنسور كان اله حسيب والبراري كان اله رقيب وللمناسف شريب .. وعمره ما حب السفرات والرحلات وما أله صولات ولا جولات وشغل عرض عضلات .. وسوالفه كلها فرضيات .. قراراته كلها بدون اطلاع ولتاريخ الحكومة باع والعلامات سواها مشاع والنسور من وراه ضاع وبالعقبة رمى الشراع .. عمره ما زار الجنوب .. وما بعرف المصطبة من سلحوب ومطبخه اشتراه من طهبوب وعند الجد بقلك يا محلا الهروب ومن عند ابو علي بشتري خروب ..