الشاهد -
اسمه الاول على وزن سهام امين بدون مهام وشغل حكي وبياع كلام .. وبحب عبدالسلام .. واللي مرافقه دايما جوعان وشغل استعراض على الاعلام وبرجع لورا كل ما قدمناه لقدام .. وما حدا يرمي عليه السلام .. وخايف من احداث الشام .. ولا اشي عنده على ما يرام .. وبضرب تحية للمدام .. اسمه الثاني يجعلنا من عواده واله سكن في سواده .. حاطينة عالرف ومش شاطر بالصف .. يقضيها بالطف ومحله سكرتيرة الرئيس بتصف والله لا يوريه شو صار فيه هذا الصيف .. لا مهتم بالشؤون الداخلية ولا الخارجية ولا يحب اكل الملوخية ولم يشبع من الدولارات الامريكية وعمل على الطرود الخيرية طمعا بالمناصب والحقائب الوزارية .. لا بهش ولا بنش وللذبان في المجلس بكش ومقضيها بين الملاعب طش .. بفكر حاله مسؤول مهم ولشغله مش ملم وبين صحابه مشم .. ما بنشال عليه الحمل وبحقد زي الجمل وبطيء مثل النمل .. في تلاع العلي اله عنوان وبخاف من صوت النسوان وهو من جماعة شومان وبفكر حاله فهمان .. وسكرتيرته هي الالهام وتاريخه كله بالشام ورايح جاي على الفحيص من ايام زمان وهو من عشاق صدام .. قربت تروح عليه الايام بعدما كان يبصم بالابهام ونظراته على النواب كالسهام والمنسف يعطيه الالهام .. ويقول اوعكوا تقربوا على المال العام .. وله علاقة جيدة مع الاعلام ولكنه فقط للكلام... وتاريخه بائد ولقرايبه مش قايد وعلى المجلس مش عايد .. ورأيه مش سايد وللغزلان مش صايد .. ولخصومه مش كايد ولابناء منطقته مش فايد وبالمال السياسي اسمه وارد ساكت وقاعد لابد.