من هو

اسمه الاول على وزن اياد .. وعيونه محمرة من نثر الرماد .. لا هو فارس ولا لديه جواد .. مكروه من العباد .. وكل ما لاح الشيب برأسه كلما امتلأ قلبه بالسواد وطاير بالهوى مثل المنطاد.

وبين البرلمان والمول عامل ابو الهول .. وعن كل شي مش مسؤول .. جسمه وبدنه مبني على المجهول ولا فعل ولا قول رايح جاي بين عمان والعقبة مثل الكنترول ورجاك خايب منه ولا يهمك هزول ومنفوخ من اكل البرغل والمفتول.

اسمه الثاني امتداد لصفة شيخ وما بعرف الشمام من البطيخ وراسب بالعلوم والتاريخ وشعر راسه حلا من كثر التشليخ ومغرم بأكل الفسيخ وشاورما على سيخ فاضي وعلى الفاضي وبقولك واصل المريخ .. بحلم بالبرلمان .. وبالنيابة ايام زمان ومن اللي حواليه زعلان .. ومعاهم متورط وورطان .. مفلس ونعسان وحلمه يسكن عمان وبرده للسلام مثل السهتان واذ بتعطيه بقولك هات كمان .. مقضي حياته بالويلات إكثير وقاعد ع الشات ومسمينه ابو الوروشات وعلى المينا نايم بظل الونشات ويحب يطلع على الشاشات ويحشر حاله بالدوشات وبسحب حاله وبفل من سكات وشاطر بتغيير الماركات.

يقول بحبك وبسب كل من سبك ولما يبعد عنك يدعي الله لا يردك .. لا تقعد معاه برفع من ضغطك خذ منه ولا تعطيه سرك .. وما بخفف من كربك .. وسوالفه بتعلك وما بتهمك وعنك ما بشيل همك..