الشاهد -
اسمه الاول على وزن طبيب وللبلى كبيب ولعيب شدة وطرنيب ويتغنى على اطلال الحبيب ومن الاشارة يفهم لانه لبيب والنسور كان اله حسيب والبطوش كان اله رقيب وللمناسب شريب .. اله محلات ومخازن وما حدا داري عنه وين كاين وغاطس ومش باين وللناس مش مساعد ولا عاين وعمره ما كان على المجلس ماين.. اسمه الثاني على احد الالوان وصوته زي الكروان وصحابه من العدوان .. نظم عمل الجامعات وعمره ما حب السفرات والرحلات وما أله صولات ولا جولات وشغل عرض عضلات وما بعرف يتعامل مع البرلمانات وسوالفه كلها فرضيات ومعبي جيبته من المياومات .. دق على صدره كثير وصوته طالع من بير وبصحى الصبح بكير ويفطر كبده وجرجير وشوف الصحة كيف بتصير ومع دلاس احجز بكير واحصل على سفر كثير قروي ويشرب من مية الزير وطاير زي الزرازير وبحلم يصير سفير وغياباته ما ألها تدبير هل عرفتم هذا الفقير .. قراراته كلها بدون اطلاع ولتاريخ الحكومة باع والعلامات سواها مشاع والنسور من وراه ضاع والطلاب مدوله باع .. نظارته زي غوار وهو من انصار بشار والتعليم اله كار وعلى طريق النجومية سار وزي الفلفل الحلو مش نافع ولا ضار لا زابط معاه لا سيرف ولا سار والذنيبات منه غار وبنقز بس يشوف فار وعالجامعة الاردنية بطريق مكتبه مار وضعه هالايام نار والخريشا عليه شار ولقرايبه مش كثير بار وعلى عيونه في مجلس النواب ثار وناصر جودة اله جار وما بحب يوكل الا حار وعمناسف السعود دار وفرنسا زار ومن منصبه اكيد طار.