الشاهد -
اسمه الاول على اسم خير الاسماء وقطع رزقنا من السماء وقلب البلد صحراء ويسعى لقطع عنا الهواء وعمله بلا عطاء. اسمه الثاني قريب من المر وبفكر حاله حر ولقرايبه ضر .. كان حلمه يطلع بحار وقاعد بمكتبه زي المختار وهو جديد على هذا الكار ورح يطير من اول مشوار ودخل الحكومة بكرت غوار وبالسلطة ما دق ولا مسمار وقريبا سيخرج برا الدار وبجرش وعجلون عمل اعصار وصارت الناس تفرقع زي البوشار وبفكر حاله فارس مغوار ونشف الميه من البحار والانهار، وما بشوف الا بمنظار وبالزرقاء سكر الابيار ولا تصلحه المنشار ما خربه النجار وهو جريء باصدار القرار وعلى دوره وقف تصدير الخيار ودايما معاه تخمه وبشرب فوار .. داير على كل المناسبات ويداوم على المجلس متأففا من كثرة الجلسات والويلات وتجده يناقش على كل المحطات ويتلعثم كثيرا على الفضائيات .. يحب السفريات وخصوصا اذا كانت على حساب المياومات .. نائب في البرلمان وما حدا منه سلمان ونسي اقرباؤه من زمان ودايما حردان وهو ليس من جماعة شومان وعليه العين كمان ومخلص من الضمان وقلبه زي الرمان والفيس بوك اله ادمان .. مهتم بالشؤون الخارجية ولا يحب اكل الملوخية ولم يشبع من الدولارات الامريكية وعمل على الطرود الخيرية طمعا بالمناصب والحقائب الوزارية ولا يوجه اسئلة نيابية وعلاقته كويسة بوزير الداخلية .. اردني يلعب بالملايين وعمره على ابواب الستين ومدير مكتبه مش مسكين وبحضر صايعين ضايعين فهل عرفتم ابن الاكرمين.