الشاهد -
اسمه الاول على اسم وجه القمر والكل منه نفر والمجلس عليه صبر وبالشوبك أله ساكن عمر وكان زمان يعاني من الفقر وطوله اكثر من شبر وماشي زي النسر .. اسمه الثاني من التطوير وشاطر بكتابة التقرير واول ما يحط راسه بنام عالسرير وكل حياته تقصير وبين قرايبه بقضيها تنظير وعلى مجلس النواب شو بحب التشهير .. قاعد بمكتبه زي المختار وهو جديد على هذا الكار ورح يطير من اول مشوار ودخل المجلس بكرت غوار وبالمجلس ما دق ولا مسمار وقريبا سيخرج برا الدار وبجرش وعجلون عمل اعصار وصارت الناس تفرقع زي البوشار وبفكر حاله فارس مغوار ونشف الميه من البحار والانهار، وما بشوف الا بمنظار وبالزرقاء سكر الابيار ولا تصلحه المنشار ما خربه النجار وما بنش ولا بطلع منه قرار .. بالف عاقل راشد، وتاريخه بائد وللمال عابد ولقرايبه مش قايد وعلى المجلس مش عايد .. ورأيه مش سايد وللغزلان مش صايد .. ولخصومه مش كايد ولابناء منطقته مش فايد وبالمال السياسي اسمه وارد ساكت وقاعد لابد .. بالمجلس ما قدم سؤال .. ويغني على الميجنا والموال وكل يوم يغير جوال وبسمع للمطربة نوال .. قصير ومش من الطوال .. وللنيابة صرف الاموال وكفتوه بالشوال .. وبحب باسكال وما بلبس حطه ولا عقال .. ولا عباية ولا شروال.. على السياسة بيبي وبعده شباب .. وعمره ما انفتحله باب وسألوه وين مدينة الضباب وما عرف الها جواب وكل الطخ عليه وبعده مما تاب ويتفاخر بالانساب وحياته كلها عذاب .. وعنده من السيارات اسطول وما بعرف شو يقول - وبفكر حاله جنتل مان وكول وهو كعك بعجوه ومعمول .. وبشرب بنادول .. وطلع من النظارة مبلول مش عارف راسه من اجريه مثل المسطول .. هل عرفتم هذا الفيول .