اسمه الاول على وزن وائل والكل منه بشكي وعليه شايل وللمناصب العليا مش طايل وبحب المال السايل وبانجازاته مش هايل وبكايله ما حدا حاط ولا كايل .. اسمه الثاني شرار ونار وهو من انصار بشار ولا هو من المهاجرين ولا من الانصار واسطته كرت غوار واله قرابه من اصحاب الدولة والدار وبوالديه يالله شو بار وما بتشوفه الا بمنظار وبكشف عنك الاسرار وبالغرفة ما اله قرار وما بعرفوه التجار وشومان اله جار زي الزمن دايما غدار ، بحب السردين بفلفل حار والتجارة اله كار . شغله استيراد وتصدير وببيع زيته وعصير . عمره ما طلع من عمان واخوانه مش زيه والبطن بستان وفي السياسة مش فنان ولا يشار له بالبنان وافكاره قديمة من ايام الرومان وشاطر باللف والدوران وبالسوق يعد من الحيتان وقريب يفرط زي الرمان نايم ومش نعسان ولفيروز دايما طربان لسانه رنان ودايم مكشر وزعلان وشو علاقته بالكردستان و مكتبه يعج بالدخان وعلى الارجيلة خرمان فهل عرفتم هذا الانسان .