اسمه الاول على اسم خير الانام ومن كثر المشاكل ما بنام ويطلق على النواب السهام ووضعه ليس على ما يرام وما حدا برمي عليه السلام والقصور الجديدة اصابه الغرام وبالله شو سحيب افلام وكثير بياع كلام ولا ينصفك اذا كنت مضام وبحب حلويات الشام وهو ضد معاهدة السلام وبفكر حاله رجل همام وبالصيف بقضيها بطيخ وشمام. اسمه الثاني قريب من البيض والجاج ودايم حاط تلفونه رجاج وقصره كله زجاج وافكاره لا تبعث بالنفس الابتهاج وتعبان وصف بالكراج طفى النار وبتعلل على ضوء السراج واصبح ارق من رغيف الشراك على الصاج ووجهه زي خبز الكماج. مغلظ الشوارب وما بعرف جر قارب وبالشط ماله قوارب وكان يلسع زي العقارب ومع سمير كان ساكب وللقرش مش قاضب ومعاه توجيهي راسب وبجرش ما بعرف ساكب ولو نزل للنيابة ما بلاقي ناخب .. وراسه من الصبغة مش شايب ورن عليه ما بجاوب ونفسه يصير صحفي وكاتب وبدلاته بحق عشر رواتب وبسوالفه دايما موارب. شالوه من الاعيان وقصره بناه في عمان ما بندري كيف على البنيان على حساب الشعب الغلبان وعمره ما عطف على جيعان ودايما نعسان وبالصيف ما بوكل رمان وباعوه صحابه في البرلمان ولما خلص مهنة عملوله كرنفال وابصر شو براسه موال وعرس ابنه سواه احتفال وما بعرف للحديث والتقني من الجوال وبغني قلبي للحكومة ميال ونفسه يلبس عقال وما بعرف محرم من شوال وبسمع اغاني نوال وعمله وهو صغير فوال .. ساعدونا بالعثور على صاحب هذا الموال.