اسمه الاول على اسم احد الانبياء وهو من الاشقياء وليس حوله اصدقاء اوفياء وبحسب من النبلاء واخر حرف من اسمه بداية الداء .. وهالايام شايل العناء وطاير مع الهواء في صفار وثناء وجلسات شواء ولا يسمع النداء تايه بالصحراء ولا يعرف النار من الماء.. اسمه الثاني على وزن واد ودايما فاتح بحضر ابو عواد وبكره الايباد هو بواد والتجارة بواد وخبزه من عند جواد وبدور على السراب والرماد وصاحب ابو سراد وللدين مهو سداد ومكروه بين العباد ولعمله بصير جلاد وشكله زي حنفية الميه اللي الها رداد ما ساد ولا جاد ولا اعطى ولا فاد.. فشل في الوصول للبرلمان وساكن في عمان واهله من بيسان ويتابع برنامج نيشان ووزع ارجيله بالسلط عند غازي عليان وكل يوم يصدر فرمان وليل نهار بتشوفه نعسان ويشبه بشار الطولان وعمره ما راح عالجولان وسهراته في لبنان ويوزع فيديوهات على الزعران وهو من جماعة شومان وبالانتخابات صار حكاية الزمان وشواربه محفوفه من زمان وصوره على الحيطان دعاية في عمان ونسايبه في اذربيجان ونايم زي الباذنجان وبفكر حاله من الفرسان... له عنوان في المصدار وما بعرف فيه لا بيت ولا دار وشكله زي غوار اب عن جد صارو صار وعن قريب بحت والزمن دوار وعمار يا دنيا عمار ومع الحراك طلع عالدوار وشعره بده سشوار وبحب الدينار وداير يضحك عالتجار فهل عرفتم هذا المغوار