اسمه الاول على وزن توهان .. والمتغطي فيه بردان .. دخل الوزارة بطلب من نواب البرلمان .. يعني بالواسطة وبالدفش .. وبوزارته مش فهمان صيف شتى سقعان .. ومن اكل الشاورما عرضان ومن هز الذنب حواليه راسه كبران ومغرور وما حدا بعينه من زمان .. وشكله ما بتفرقه عن وجه الباكستان .. ريقه ناشف وعطشان .. وما شارك بهبة نيسان متجوز وبدور على جيزة كمان..

اسمه الثاني قريب من ناعور وبين الوزارات راكب حنطور وعند الجماعة واقف مثل الناطور وبنبسط اذا بتناديه يا ولد يا شطور.. وبحب مسلسل عبد الشكور ومش متعود على البخور وكاسه دايما معكور وزي الكوز المكسور..

وزير بدون مهام وشغل حكي وبياع كلام .. وبحب عبدالسلام .. والي مرافقه دايما جوعان وشغل استعراض على الاعلام وبرجع لورا كل ما قدمناه لقدام .. وما حدا يرمي عليه السلام .. وخايف من احداث الشام .. ولا اشي عنده على ما يرام .. وبضرب تحية للمدام .. بتسحر بيض وشمام .. عمره ما لبس عقال .. ولا حطه وشروال .. وعمره ما كان على البال وداير من محل لمحل زي الجوال .. وكل يوم براسه موال .. وما بعرف رمضان من شوال والصحة حديد وعال العال .. وما بعرفه لا عم ولا خال .. وبحب القيل والقال وكان يشتغل فوال..