اسمه الاول على خير الانام لا هو طه ولا هو عدنان ومن اللي مثله بياخذ الفرمان وبالحظ دخل البرلمان وبفكر حاله سوبرمان .. هجر بلاده وسكن عمان .. وبقول عن حاله هو الصحيح ودايما بطلع غلطان وسارح بعالم النسيان وطالع نازل وما بقعد بمكان وبالمشاكل علقان .. ودايما بتشوفه علقان .. وبين النواب سهيان ونعسان. اسمه الثاني من الرشد وحياته كلها شعبطه وما حقق مجد وما حدى عليه رد .. قطف الشوك ورمى الورد وما خلى بينه وبين الناس حب ولا ود وبخاف من البرق والرعد وترك اخوانه وبلش بالارقام والعد وللدين ما سد. على حاله سكر الباب ممطوط القامة ويلهث وراء السراب مرعوب وخايف متغطي بالضباب زي الصياد الفاشل عمره ما قنص ولا جاب وبقول عن حاله زين الشباب وما اله سؤال ولا جواب .. ينزل مع النازل ويركب مع الركاب وبحياته ما كتب كلمة كتاب ..ويرجع للغلط وعمره ماتاب .. صاير يلبس بدلة وحط على الربطة بكلة وبين النواب يلعب حجله وما معاه ولا نكله ماشي ومضيع الفردة وبلعب بالكلمات المتقاطعة وبورق الشدة وحاطينه على الرف وفوق السده وعند الناس ما اله قعده ولا هو للسدة ولا للرده واللي بعرفه اله منا ورده