اسمه الاول على وزن شايل وكل اشي عنده مايل وبفكر حاله طايل ودايما يقول انا القايل وما يحمل قلم ناشف ولا سايل... اسمه الثاني من الحمل الوديع افكاره مثل الطفل الرضيع وبضرب الاسافين ضليع وبنقل الكلام سريع .. وبتهمه للحكومة شنيع وللنواب لميع وبسمع لابو وديع وبنطلونه ساحل ووسيع.. الدهماء اوصلوه لمجلس النواب وكان شفير باص يدور على الركاب وما حدى واقفله بباب وعمره ما قرى كتاب وشاطر بأكل الكباب وبفكر حاله بعده شباب وبتفاخر بالصهر والانساب تارك الدنيا وما اله احباب. مر وما اله طعم وبالسكر ما ذاب واحلامه بحقيبة وزارية كلها سراب .. فهل يعتبر ان كان من اصحاب الالباب..؟ قصير وبشبه السنافر وبحب يظله طاير ومسافر والخير عليه وافر وداير على ابواب المخافر بتكفل اصحاب المنابر ... بفكر حاله شاطر وابصر على ايش صابر وبحب الدحية والسامر وهو والمجلس طاير وما حدى اله عاذر .. وبكيف على صوره بالساخروما عنده اقلام ولا مساطر .. وبقول عن حاله وحش كاسر ومن مكان لمكان داير