اسمه الاول على وزن همر وطول حياته بوكل هبر وبعامل موظفينه معاملة التتر والطيبة من قلبه انتحر وشكلو راح يطير على القمر ومش رح يركب سيارة الهمر , وبرمضان ما بفطر على تمر وبدابوق قريبا رح يعمر قصر وبتروح عليه صلاة العصر وكان يحب يتمشى بجبل النصر . بحب قعدة القهاوي وقعداته فيها بلاوي وبحب اكل الصواني وعلى ترويحة الموظفين شكلو ناوي والسوق الاردني بسببه صار هاوي. اسمه الثاني على وزن بهارات وبعهده الشغل صار كله اضرابات والموظفين من الظلم مقضينها اعتصامات علاقته ممتازة بالمسؤولين والنواب وبهديهم قرافات وللقرايب والحبايب ما اكثر الخصومات و التنزيلات . يسكن قريبا من عمان وخايف من اسئلة البرلمان وما بتعشى الا متبل باتنجان وشعاره بالدنيا يلعن راسه ابو الزعلان واله مزرعة قريبة من علان ورح يطير مع اول فرمان وناصح زي نعمان وبتغطى بالف حرام بس بظله بردان وبحب يشتغل مع عائلة بدران وعلى انجازاته عمره ما رح يتعلقله نيشان . شاطر برفع الاسعار ورح يدمر بسياسته الدينار وعاشق للدعم الامريكي والدولار وفي بيته ابصر من وين بعبي السولار وبلبنان حرام عمره ما لعب قمار ورح يفرقع زي البشار وطالع ماكل زي المنشار وعامل حاله مختار وما خلى لحاله اعتبار ومش مسؤول عن اشي شو ما صار