اسمه من اصحاب صح النوم صديقلغوار ولاحقه الغرق بعد العوم وبالمجلس ماخذها نوم .. مهموم وقاعد مذموم .. ويندب حظه المرحوم .. وراح عليه المعلوم .. دكتور ما بفهم بالعلوم وبفكر حاله مهضوم وبحلم باصدار مرسوم يفرح قلبه المهموم ساعة يغني للاطرش ساعة يغني لام كلثوم ... وبدنه دايما مسموم. اسمه الثاني مش من الشباب واحلامه كلها سراب وبحياته ما قرا كتاب يفطر كفتة وعشاه صينية كباب .. من الناس دايما هراب وما حدا واقف اله على باب وفل من الدلف على المزراب .. وما حدا معبره بين النواب مثل شفير الباص اللي مش ملاقي ركاب ولاحقه آب اللهاب وافكاره سراب وبوكل المنسف بدون شراب وبطرب لرباب متأثر بمسلسل وادي الذئاب وما بطلعله يكش ذباب. على السواقه رايح جاي محمل سكر وشاي .. على صاحبه اللي بالباب باي ... بنقله مرحبا بقولك هاي .. وبصيف بهاواي يدندن على العود ويعزف على الناي وبفكر حاله علي كلاي .. بلعب على ميت حبل وراسه بين الشمامة والطبل .. ويزحف مثل النمل وتجاوزاته مكشوفة بعد وقبل مكشوش ومنكوش زي القط الماكل كتل.. اسمه بين الناس الديك المنتوف منفوخ وماكل ملفوف .. اعمص وما بشوف وبحب يكون على الناس ضيف ومش مضيوف ومحطوط على الرفوف وزي الخروف المكتوف هل عرفتم اسمه من بين السطور والحروف.