اسمه الأول من خير الأسماء ولا ينفع لا بالسراء ولا بالضراء ولا ينقذك من البلاء حتى لو كنت في العراء ومنشف المية بالصحراء ولا يخلو من الدهاء واوصلوه للمجلس الناس الدهماء وببيعك عشان وحدة حسناء قاعد حدك من ايام الجلاء ومحسوب على البخلاء ولطلبات قرايبو اذنو صماء وبالليل بقضيها حفلات شواء وبالمجلس بقعد جنب النساء واسمو الثاني قريب من وجبة الغذاء وما بنام الا بس يصلي العشاء إبتمشي معاه للأمام برجعك للوراء. من نواب عمان الثانية وملابسو باليه ومعنوياتو عاليه وبحاسب عالثانيه وافكارو خاليه ومستند على واجهة ماليه والناس منو شايله وايدو ما هيه طايله وبدور على العزيزه الغاليه عند النواب الخاليه. دايما ملفاته عن التجنيس وما بلبد الا بالتجليس ورايح جاي عالترخيص وعندو الجمعة زي الخميس وبكدس المصاري تكديس وكلامو دفش بدون تمحيص وبروح عالجيم بسوي تخسيس منفوخ وبدو تنفيس وكرس حياتو بالمناصب تكريس وكان يشتغل شوفير سرفيس وهو صاحب مقولة خلينا في المجلس إنهلس تهليس قريب راح يبيع البنطلون والقميص ويبقي للأمل بصيص فهل عرفتم هذا الفنيص؟.