اسمه ممنوع من الصرف ومطرود من المفرد والجمع وبالاعراب محطوط على الرف وبشغله ما بعرف ولا عرف ودخل السلطه من الدوار بالمجرور والمنصوب وبأدوات العطف.
زمان كان مع الشله وبخيط بالمسله ولما حسبوا حسابه من حصص السله صارت صوره على كل جريده ومجله وصار يحكي بس عمره ما كمل جمله وقطع اتصاله مع الشله.
وعلى رأسه ما طلع ريش وصار يقول يعيش من بعد تفنيش وتلطيش ومن بعد ما كان على ما فيش كانوا يسموه ابو شفه ويتعشى مع البسه لا كباب ولا فشه .
وعلى دوار باريس حامل لحاف وفرشه وجاره ابو عطسه وكل يوم عنده ورشه وما عنده ولا رشه غير الشغل الريموت والفكه صاحب معالي سؤالفه تسالي وبحبك يا غالي ويتعشى بورغر وبخاف من المقالي وبغني يا ابو قلب خالي وزلمه رومنتيك وما لبس فوتيك وفكره خيالي يكفيك شره اذ تحرك بخربط حكومه اذا حكى وفكر بخلط الملح مع السكر ويقلبها بين زملاه اضحك كركر وعمر مزاجه ما تعكر وبنسى وما بتذكر وعن ساعده ما شمر ديجيتال على ليبرالي على مسخم ومشحر وطفران وما عمر .