من هو

اسمه الاول بمعنى النصر وشهادته من مصر وكله دهاء ومكر وما بنشاف بعد العصر وبصحى بدري يصلي الفجر وتقاعده يسحبه من اول الشهر والزمن فيه عبر وعلى قرايبه كبر ودافع عن حقوق الغجر وطول الليل بقضيها سهر على الهجين والسمر تحت ضو القمر وان يعود للحكومة ما حزر ومع النواب كان كله جكر وقريبا تفتح ملفاته ويصبح في خطر. اسمه الثاني من عائله عريقه والها في السلط واربد والرمثا بريقه وبحب ابو تريكة .. بطلنا له علاقة بالاتصالات وكان بطل زمن التجاوزات ويا الله شو بحب الليرات ودايما بقولك هات .. ومقضيها على الشات ولا يدعو للمناسبات وعنده اسطول سيارات وبحب يكوش كل العطاءات وداير بالمطارات وخطة من زين عابرة للقارات اما اورنج بده يعبي شوالات وبخطوط امنيه كثرت الطلبات وبلبس نظارات حتى يعرف يشوف التجاوزات.. مع الاراضي اله قصه وحكايه وبينو بده يحطه عالشوايه والمجلس السابع عشر بدهم يجلوه بالجلاية والاعلام بده يخليه رواية والمحاكم بتحطه بالقلايه وسوى للحكومه قهوه بغلايه وسيارته عوايه والمسؤوليه ماخذها هوايه والحكومه عينته ترضايه واعطوه وزارة نهايه.. مهندس وما بعرف يهندس ومصاري الناس بكدس وبس تشوفه بتفكره مفلس ومع الناس ما بجلس وكرته دايما مترس فهل عرفتم هذا الشرش..