اسمه الاول على اسم الحجر والكل منه ضجر وبتروح عليه صلاة الفجر وما بوكل الا في المجلس بعد العصر وبحب كثير السهر ولازم يكون فيه سمر وبفتخر بقول انا من عرب شمر .. اسمه الثاني لا يمتلكه الصهاينه .. في البادية اله تاريخ وكأنه ساكن بالمريخ .. اردني لا يحب الاسراف وعايش عيشة الاتراف وبتعشى بالليل على الاطراف . اساس المشاكل سوء الادارة وهو قاعد بنظر بدون شطارة وصوته بالمجلس بده سماعه واخطاؤه بدها شماعة وصلعته لماعه ومزرعته بدون فزاعه . همه الاول والاخير رفع الحد الادني من الاجور وما بقرا المكتوب بين السطور وبعطي الثقة للملقي والنسور وخبرته بالسياسة لسه فرفور .. وهو من قرايب السرور وكان اخوه بياع عطور وكان بين الناس مغمور . كلامه ارتجالي وبحب حازم المجالي وبس يحكي يا هملالي وعنده كلمة حلوة بقلك يا خالي وساكن بالربع الشمالي .. فتح النار على وزارة الشباب وعنده كثير من الاسباب لانها وزارة ناسيها المسؤولين اللي تعدوا مرحلة الشباب وعمره ما قدم استجواب . طالب بالرقابة الالهية قبل الرقابة الخارجية وقال زيدوا العمليات الاسثمارية وكل سواليفه عن التهرب الضريبي وبقول وجودي هون لانه نصيبي .. قديش رواتب المسؤولين وعمره تعدى الستين وما جاب سيرة فلسطين . شعاره اصلاح الدول يكون بالمحافظة على المال العام وتعيناته بدها شهر وخمسين عام فهل عرفتم هذا الرجل الهمام .