اسمه الاول على اسم خير الانام ويالله شو مختفي هالايام والطخ بالرابية وهو بصرح عن الشام وهندي من كثر سحب الافلام وما بعلق على جرائم اولاد الحرام كانه خلص من عنده الكلام .. اسمه الثاني على وزن بوملي والبلد صارت بوقته شوشري .. حلم حياته يكون معالي وكان بعجلون يلقط دوالي والنسور عمله ياهملالي والملقي خلاه بالعلالي وبعده بالحكومة الايام الاخيرة والليالي .. عايش عالرجاج بوكلش لحمه وبقضيها دجاج ووجه ابيض من خبز الكماج وبس يطلع عالتلفزيون بحطوله مكياج .. طويل مثل نامق ولم يوفق كناطق وعالحدود السورية عالق ولافكار السياسة سارق .. يغيب عندما يكون وجوده مهم وبالافلام الهندية ملم .. ما بمسك على بيان وهو من سكان غرب عمان وبالكرك سكر باب الامان وبفكر حاله سوبر مان وبياناته من ايام العثمان وما بغهمها الا التركمان وعن قريب رح يترك هالمكان وبدور يرفع تقاعد الضمان واهم اشي ما يخسر شغل شرق عمان وشان حملة على الاخوان وبالسياسة فنان ويدعم افكار ابو غزالة وشومان وشاطر باللف والدوران في حين انه يختبئ خلف الجدران ودائما في المجلس تجده نعسان اما من طول سهر او بالهموم غرقان والشاطر فيكم يفهم قصد الفهمان فهل عرفتموه ....