اسمه الاول على اسم مدينة عربية وبحكي عن الانتخابات اعراس ديمقراطية ويغازل الحكومة لعله يصبح يوما من الاسرة الوزارية وخلال 100 يوم لم يوجه اي اسئلة نيابية لان وضعه المادي مرتاح ونومته هنية وقال عنا جنه اسمها القصور الصحراوية .. اسمه الثاني على وزن حرام .. ولقرايبه ما كان لام ونايم في المجلس منذ بداية العام و حافظ درسه ما بتلعثم بالكلام واعطى الثقة وهو على ما يرام . لا يدعو للجهاد ويالله شو عنده عناد وعلى جيبته شاد وعلى زملائه مش راد وضليع بلغة الضاد .. بقولو افتحوا الكثير من المهن وما بتشوفه ساعة المحن ووفي التعامل ابدا مش مرن و افكاره صارلها قرن .. طالب بدعم الجامعات وتهاوش على البسطات وبشارك باغلب المناسبات وبزعل اذا ما اخذ المايك بالجاهات .. محافظته قريبه من المليونان و قريبه من لبنان هو ليس من جماعة شومان وسحيب افلام وقريب من لقب السوبرمان .. بالمجلس نفسه يعمل الهوايل وبحب كثير الجمايل ومن الهم حمله مايل وبين قرايبه الكل منه شايل ومن معارفة مش طايل ومفكر حاله بالدولة طايل وبقول اشتغل ما حدا سايل .. عمره على ابوب الستين ويقلد ابناء العشرين وهو من اصحاب الملايين وعلى اصواته دفع الغالي والثمين ومش رح تنجح المرة الجاية يا مسكين ... فهل عرفتموه...