اسمه الاول على اسم سيد الانبياء وحصل على عضوية مجلس النواب بكل عناء .. ولا يخلو من الدهاء والذكاء، وهو ليس عضوا في كتلة الاخاء وخدماته زي الميه في الصحراء ... وفي اربد مفكر حاله عمل المعجزات وصحابه كلهم من المخيمات وبقول ان اكثر نائب جاب تعيينات .. ويا الله في المجلس شو ودود وما عملاها الحكومة توديله ردود وياما انطرد من الحدود وفي المجلس صايبه جمود والملقي عدوه اللدود .. بدلاته الوانها غامق وكلامه اغلبه مش صادق وفي المجلس هادي ورايق والكرش اله لابق .. ودايما ما يسبح عكس التيار وهو ليس من النواب الكبار ولا يعد ثقيل العيار ومع قرايبة مش بار وباعهم واشترى دار وبطل يهمه شو ما صار ... اسمه الكامل على اسم شهيد والشهادة منه بعيد وما عنده اي اشي جديد وقلبه زي الحديد وعالفساد ما ودى ولا بريد وشايف حاله من اله نديد وبالبنك من تسهيل المعاملات رفع الرصيد . هاجموه من كل الدول العربية ولم يوجه اي اسئلة نيابية وبالليل بتعشى ملوخية ونفسه يحمل حقيبة وزارية وهاجم وزارة التنمية الاجتماعية .. عمره على ابواب الستين ويقلد ابناء العشرين وهو من اصحاب الملايين وعلى اصواته دفع الغالي والثمين ومش رح تنجح المرة الجاية يا مسكين...