اسمه الاول قريب من فصل الحق .. وللاجئين قلبه ما رق وبالحكومة ما عمره دق .. ومياوماته وسفراته نق وقد ما بحكي للحنك طق .. اسمه الثاني قريب من العيون ويا الله شو حنون وشايف حاله كان حدا راش عليه ليمون وبين قرايبه كلامه مش مضمون .. بس يشوفك بقلك عزيز على قلبي وبقول للنواب تعالوا اقعدوا جنبي .. يا الله شو بوكل الخضراوات وبحب من الشوكلاته كت كات .. وعنده اسطول سيارات وما بدعم بعض الجمعيات وما بنعزم على المناسبات .. قطع كل الحدود ونشف كل السدود وعالواتس اب ما عنده ردود ودائما ما يوفي بالوعود .. دفع كل المصاري .. عشان يأخذ لقب سعادة ومعالي .. وشكله ابيض من الموز الصومالي وعنده سيارة فراري .. وبحب الشاكرية والمسخن الدرعاوي .. وساكن بالحي الشمالي من ايام سود الليالي ..والصوت الحر اله بلالي .. في المجلس دايما من الجماعة النايمين وعمره على ابواب الستين ويقلد ابناء العشرين وهو من اصحاب الملايين وعلى اصواته دفع الغالي والثمين ومش رح تنجح المرة الجاية يا مسكين .. وما بحب يقعد مع مسؤولين وعينه على المصورين عشان يقول صار من المشهورين وبس ينفعل برتفع عنده الادرينالين . تقلب على كثير من المهن وما بتشوفه ساعة المحن وفي التعامل ابدا مش مرن وبتكرير الميه افكاره صار لها قرن .. كان جاره بياع عطور وعنه كشف المستور وسيرة حياته سطر مش سطور ... وبحلم يسكن بقصور ... فهل عرفتم هذا الامور ..!!