بفكـــر حاله مســـؤول ، وهو لا يفعل ما يقول، وهو من طبيعة البشر الغير مسؤول وزي ام العروس فاضي مشغول وبعيش حياته بالعرض والطول واعصابه دايما كول ... وبالعشى بوكل فول ... وزي ايلول ناشف مبلول ... وعمره ما سجل جول ورايح جاي عسامح مول . .. لا يعرف الملل والكلل ومن الفساد يخشى البلل ويخاف من العلل... نافس الاسلاميين وسرقوا منهم مقعد المسيحيين وشعاره بالدنيا انسى الالم وخذ اسبرين .. بنزل يخّيم بفندق عشتار ومحسوب على اليسار وعنده مؤامرات مثل غوار ومع الحراك وقف عالدوار وصار معاه اللي صار، ولم يكن عضوا بالتيار وترك عشه وطار ويتواسط للسياسيين مقابل الدولار ومن نجح بالنيابة ليله قلب انهار ... كان نفسه يصير نائب وعلى حب المناصب مش تايب وشعره شايب وبحب اللبن الرايب ولمشاكل النواب طايب .. نادى بالدولة المدنية وهاجموه الجبهة الاسلامية ولم يوجه اي اسئلة نيابية وندموا اللي انتخبوه في الانتخابات البرلمانية .. راسه شايب ناصح وللشحوم مش ذايب ولهموم الناس سايب ولكلام النواب مش طايب ولازم يشرب كل ليلة لبن رايب والشوام اله نسايب وما خلاله حبايب ... من سكان عمان ونجح عن دائرة الحيتان في حين انه يختبئ خلف الجدران ودائما في المجلس تجده نعسان اما من طول سهر او بالهموم غرقان والشاطر فيكم يفهم قصد الفهمان.