اسمـــه الاول على وزن نايمين وعمره على ابواب الخمسين ويقلد ابناء العشرين وهو من اصحاب الملايين وعلى اصواته دفع الغالي والثمين ومش رح تنجح المرة الجاية يا مسكين ويأخذ انسولين .. وما بحب يقعد مع مسؤولين وعينه على المصورين عشان يقول صار من المشهورين وبس ينفعل برتفع عنده الادرينالين . اسمه الثاني من انواع المهن وما بتشوفه ساعة المحن وفي التعامل ابدا مش مرن وبتكرير المية افكاره صار لها قرن .. بفكـــر حاله مســـؤول ، وهو لا يفعل ما يقول ، وهو من طبيعة البشر الغير مسؤول وزي ام العروس فاضي مشغول وبعيش حياته بالعرض والطول واعصابه دايما كول ... وبالعشى بوكل فول عشان يظل مسطول وزي ايلول ناشف مبلول ... وعمره ما سجل جول ورايح جاي عسامح مول . يحاضر بالسياسة وعينه على الرئاسة وما معاه من العلم كاسه وسراجه مثل النواسه وسوالفه مضيعة الطاسة. علاقته طيبة بالنسور وبين الوزارات ماشي وبدور وكان جاره بياع عطور وعنه كشف المستور وسيرة حياته سطر مش سطور ... وبحلم يسكن بقصور ... فهل عرفتم هذا الامور ..!!