اسمه الاول على اسم خليل الرحمن وعلى انجازاته ما شاء الله وعلى اخر قراراته حسبي الله .. اسمه الثاني بمعنى الحسام وبفكر حاله همام والناس بطلت ترمي عليه السلام وخلي النواب يفتح عليه الكلام ورح يكثر عليه رمي السهام خلال الجاي من الايام .. لا يمكن عليه الاعتماد ودايم يحث على الجهاد ولا يجيد الاعداد وباب مكتبه عليه رداد وبفكر حاله عنتر ابن شداد .. اصله لا من الشمال ولا من الجنوب وبين قرايبه مش محبوب وما بعرف المصطبة من سلحوب ومطبخه اشتراه من طهبوب وعند الجد بقلك يا ابو هروب ومن عند ابو علي بشتري خروب وبسمع بالليل لطروب وما بتغدى الا بعد الغروب وعالمنسف بصب شروب وفي مجلس النواب مش محبوب وعليه الهروب .. يشعر دايما بالسعادة وبدخل بكل اشي الله يقطعها من عادة وبدون فائدة .. اردني من ايام زمان فرده جنب الجزدان وبدافع عن الحكومة اكثر من سوبر مان ورايح جاي على لبنان وما بتعرف على الجيران وعدو لداعش من ايام الفرمان ، صوره علقت على الحيطان وفي دكان ابو حميدان ولا يذكر شيئا من الامثال ولا يحب الجلوس الا مع الجيران، دايم الدوم غافي ونعسان ، كان بعمل في البستان في السياسة هو ليس بفنان ولا يشار له بالبنان وافكاره قديمة من ايام التركمان وشاطر باللف والدوران ويقول دائما انا من مواليد نيسان وفي الوزارة نعسان ومشهور بالمقاولات والبنيان .