اسمه الاول على وزن عامر .. صيف شتا للكراسي ناطر .. نايم بمطعم القناطر .. وزير سابق ومش شاطر ما هو مشكور من حدا ولا حدا اله شاكر .. شغل لهط سكاكر .. خرب السياحة وما جبر النا خاطر..

كثير السوالف ومش تايب من ايام حكومة ابو الضرايب اللي خلا راس الشب شايب .. وعملها ضحك وبرطعة ايام المال السايب يدعي ان خلفه كتايب وما معاه اثنين يشدون الركايب.. وللنفع ما هو جايب ومش محبوب من حدا ولا من القرايب.

اسمه الثاني على وزن سويل كحته وبخيل وخصره منفوخ ومش نحيل .. وما بسلم على حدا ووجهه عليل سشوروله شعره وحطوا بجيبته منديل عندما استقال وعزم الرحيل ولغير نزواته لا يميل وشعره موصل توصيل.

عاجز لا بطل .. وما منه امل ويعطيك من كلامه العسل قولا بلا فعل عن المطالب والحقوق غفل .. لا حسن في الجوار .. ويطرب للخلل ولم ينال غايات الامل برغم ما علموه بأن اصل الفتى ما قد حصل ويولي هاربا كلما الحق نزل .. والنرجس ان فاح منه لا يفوح الا بالبصل .. ونال المناصب بالزحف والغزل وفي النهاية يتوج من فشل الى فشل وللاحذية الاوروبية انتعل ولا يميز القمر من زحل ..

هل عرفتم من لا ذكر له بعدما ان اعتزل..