لا بد من جردة حساب لحكومة طلعتنا عالباب وصرنا نحلم بالكباب وصار فيها تعديلات بدون اسباب .. راس هرمك الاصيل عبد الله النسور شاطر بادارة الامور .. كبير وامور .. وجلده رويم تحمل كثير وطلع من الحكومة من الباب الكبير .. وتحمل كل الانتقادات من بكير .. ونجاحه بالحكومة ما اله تبرير .. وياما انكتب فيه تقارير .. محمد الذنيبات عمل بالتوجيهي ويلات ما بشارك بالمناسبات .. ناصر جودة كتب باسمه الخارجية وكان سبب في زيادة المديونية وهو من عشاق الملوخية .. مازن القاضي .. اصيل ومش راضي وعلى كرسيه اكيد باقي ويا الله هالانسان شو راقي .. الداود هايل .. راسه مايل وعلى كرسيه مش ظايل وعلى النواب قلبه مش شايل .. التعليم العالي لم تكن في امان بصحبة لبيب الفنان فهل سيكون هناك قلبان من قبل ابناء معان .. عماد فاخوري والتخطيط الخربان ورايح جاي علبنان ولملم اوراقه بكتمان ولن يعود الى هذا المكان .. الاشغال صارت مع هلسة كلها موال وبس يخلص بشتغل فوال وانسان بسيط وبلبقله العقال .. الشخشير طاهر باقي في مكانه صاير وما حدا منه ظاير .. القطامين للعمل والوزرة انقطع منها الامل وكل فروعها خلل وما رح يرجع الها لو انبسط الجبل ودخل بالابرة الجمل .. الحياصات قريب من الاعلام وما بحب العصر ينام والوزارة بعهده صارت سلام وتجاوزاته على افضل ما يرام .. الامور المالية اتركوها لابن النشمية ملحس اللي كان على قدر المسؤولية وشال مهمة الموازنة النقدية .. الفايز على عهده بينوا تبديل المسكوكات ومسوي دايت وما بوكل حلويات ومثل ابناء البادية بكل امانة واقتدار وطاير من منصبه اكيد شو ما صار .. الناصر حازم لم ير موقعه في الوزارة ابدا لانه المياه مقطوعة جدا .. الزعبي عاكف ..للزراعة واقف .. وللمنتوجات الغريبة ضايف .. المصري وليد .. بترويحة كل يوم عيد ويا رب يجي واحد جديد يعيد للبلديات الالق المديد .. الدكتور هاني الملقي والمشاكل عليه رح نلقي ..