الشاهد -
اسمه الاول على وزن كليم الله وضعه المالي يا ما شاء الله ولسانه عالحكومة ماشي بعون الله . اسمه الثاني قريب من الة صنع الدجاج ودايما تلفونه عالرجاج وبس يعصب بكسر الزجاج .. بدون مهام وشغل حكي وبياع كلام .. وبحب عبدالسلام .. والي مرافقه دايما جوعان وشغل استعراض على الاعلام وبرجع لورا كل ما قدمناه لقدام .. وما حدا يرمي عليه السلام .. وخايف من احداث الشام .. ولا اشي عنده على ما يرام .. وبضرب تحية للمدام .. حاطينة عالرف ومش شاطر بالصف وضعيف كل يوم بوكل كف ولمصاري الشباب شف وبالليل يقضيها بالطف ومحله سكرتيرة الرئيس بتصف والله لا يوريه شو بده يصير فيه هذا الصيف .. لامهتم بالشؤون الداخلية ولا الخارجية ولا يحب اكل الملوخية ولم يشبع من الدولارات الامريكية وعمل على الطرود الخيرية طمعا بالمناصب والحقائب الوزارية . لا بهش ولا بنش ولذبان وجه بكش ومقضيها بين الملاعب طش . بفكر حاله مسؤول مهم ولشغله مش ملم وبين صحابه مشم . ما بنشال عليه الحمل وبحقد زي الجمل وبطيء مثل النمل وقبل ما يصلع عانى من القمل . في تلاع العلي اله عنوان وبخاف من صوت النسوان وهو ليس من جماعة شومان وبفكر حاله فهمان وزير سابق لا يوجد له مهام وسكرتيرته هي الالهام وتاريخه كله بالشام ورايح جاي على الفحيص من ايام زمان وهو من عشاق صدام . قربت تروح عليه الايام بعدما كان يبصم بالابهام ونظراته على النواب كالسهام والمنسف يعطيه الالهام .. ويقول اوعكوا تقربوا على المال العام ويعد اكثر الاشخاص سحيب افلام وله علاقة جيدة مع الاعلام ولكنه فقط للكلام... تاريخه بائد وللمال عابد ولقرايبه مش قايد وعلى الحكومة مش عايد .. ورأيه مش سايد وللغزلان مش صايد. ولخصومه مش كايد ولابناء منطقته مش فايد وبالمال السياسي اسمه وارد ساكت وقاعد لابد.