أخر الأخبار

من هو

10-10-2012 02:23 PM
الشاهد -

من هو

اجت بين الشتا والربيع وكان الجو بديع وتعبنا وتعب المشوار وشكى منها كل عجوز ورضيع وخلت الاسعار زي النار وجظ منها الجميع .. وضيقت كل وسيع .. وشغلها كله ترقيع بترقيع وشغل تنظير والنتيجة التجويع وعند كل توقيع وظيفة للشللية وبقصد التنفيع.

اسمها حكومتنا الرشيدة وعن مطالبنا بعيدة وسعيدة لبيتنا سعيدة لما رحلت هالبعيدة طلت علينا شوي شوي وقطعت الكهربا والمي وخلت جيوبنا عالحديدة وكله من ابو سنسال اللي ما يعرف يقرا جريدة .. واللي ما بطل على حي وللي ما بعرف ابحوالنا الجديدة .. وعلى دوره خربت القصيدة.

على دورها اتضخمت المسيرات وارتفعت الشعارات وتعبت الساحات وهمها تطلع بمواكب سيارات وشغلها لبس البدلات والريبان من النظارات ولم تزور المحافظات الا لأكل المناسف والمناسبات وتخاف من الظهور على الشاشات ورحلت الملفات للجاي من الحكومات .. لو استثنينا الداخلية والعمل والبلديات والباقي زي البشوات بتعشوا بالسروات وما بصلحوا سواقين تركتورات وبدوروا على العلاوات وحولوا دينارهم لدولارات وشغل فيس وشات وعلي فراقهم وزعنا حلويات تعجز عن وصفهم الكلمات ولم تعتني بهم الفضائيات..

من الشمال للجنوب ما حدا من اعضائها محبوب .. وما منهم مرغوب مركونين زي الطوب وما منهم مهيوب ولا يوازنه مقضوب ولا قري مكتوب وشغلهم مش صحيح وكله بالمقلوب وعلى المواطن المغلوب.

الناس وراهم كسروا جره وما بدهم اياهم بالمرة وكمموا الكلمة الحرة والشاطر يفهمهم من نظره وما تركوا للناس مسره.. هل عرفتم ام الشاليش والغره اللي ما قدمت حل ولا فكره غير انها دورت على مناصب وشهره.





تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع جريدة الشاهد الاسبوعية - الشاهد بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع جريدة الشاهد الاسبوعية - الشاهد علما ان التعليقات تعبر عن أصحابها فقط ولا تعبر عن رأي الموقع والقائمين عليه.
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :