من هو

اسمه الاول على وزن منير انفخ عليه بطير وبحكي عن حاله من المشاهير ولا حدا داري عنه ولا محسوب من المخاتير وبشبعك حكي وتنظير وعليه جعصة ولا على وزير.

مسكر بابه على بكير .. وعند الانتخابات يقضيها مشواير .. بين الحواري والحواكير .. وبخاف من دق المسامير.

اسمه الثاني مشتق من العربه ولا ينفع ذو مقربه وسوالفه ما الها طعم ومسربه وعنده شقق مفروشة موقفه ومسكره.

وبمجلس الميه وهدعش عاملها سمكرة وعلى كل اشي وافق ويبصم بالعشرة بالفين صوت وصل البرلمان نصهن من اصحابه ونصهن بفرمان ويعزمك على منسف من عند الجيران .. وبوديك على البحر وبرجعك عطشان ووزع حلو يوم اقالة شومان وعلى عينك يا فهمان ودايما بهتان ونعسان ويشبه سنان .. وبروح على سوريا اكثر من عنان .. وعمره ما يرجع للبرلمان لا فالح ولا فلحان... صيف شتى دايما بردان وبالزرقا عامل حاله سوبرمان ويرحم دفتر سجاير الاتومان ولاهو فارس من الفرسان .. ومشطوب واكثر من تعبان.

كحتوت وبقلك طفران مشغول بمحل الصرافة وبموت اذ بلبس اقرافه وعند العزايم بنزل جرافه ويعلن عن عمال النظافة .. اصلع وبحلم بالشعر المنكوش .. وبقلك ما عنده قروش وبحب الخبز المنفوش وما معاه طلقة بالخرطوش.