إسمه الأول على وزن شكيب وما ضل حوله حبيب لا من بعيد ولا من قريب بسمع لوردة وما بسمع لمحمد وهيب وبحب كل إشي غريب ولا يصلح بياع يانصيب وشغل بناكل وطرنيب وكل إشي عنده ماشي ورهيب وناشف الريق وما عنده ترطيب وبخاف من الصحافة والتسريب وشغله واقع ومركب تركيب وبده إعادة ترتيب.
إسمه الثاني على وزن ساري ولدروسه مش قاري وبحب الجخة والمصاري وبقول عن نفسه قوي وناري وما بتعرف عليش ناوي وكل سوالفه عن فلان والراوي وبخاف من مصطفى البراري وحسابه في البنوك جاري ولما بشوفك بروح كاوي وبحب المنسف والكلاوي.
ختيار وحاسب حاله على الشباب وحياته سراب وعذاب بوعدك ومسكر على حالوا الباب وبالأسواق ذاب وشاب وبالأصل كان بياع عصير وشراب وبعيب على كل من إله عاب وبحب حاله وبكره النواب وعمرك لا تطعمه كباب وشغل سفر وبين العواصم دار وجاب. الأسعار حارق نار وصاحبنا من أنصار بشار ودار من كار لكار اسلع وما بليقله سشوار وتركها وراه دمار وعمار يا دنيا عمار وإجا على الوزارة بكرت غوار وطاير منها لو شو ما سوى وصار.