إسمه امتداد لخلف وحياته دين ومش سلف وبين الناس ما إنعرف وعن الإتجاه انحرف ومع السيل انجرف وللأيمان ياما حلف وعلى باب الجامعة وقف وعلى المناصب ركض وزحف وعند المسؤولين مسح وشطف وبالحكي الفاضي انوصف وسوالفه مثل فرد الصوت إذا ردف كل يوم بجهة وما عنده هدف وبالمناسف غط ونسف وعلى ابواب المصالح نام واعتكف.. قادم من الجنوب مكروه ومش محبوب وعلى البعض محسوب والتعليم منسوب واسمه من الإعراب مشطوب مجرور ومش منصوب وما يفك الخط وما يقرا المكتوب وبخاف من ظله ومن الإرادة مسلوب وكل ما دخل معركة بطلع منها مغلوب ودايما يرتجف ومرعوب غايب ومش حاظر وسوالفه ما بتثلج الخاطر وبفكر حاله شاطر ومقضيها خارج البلد ودايما مسافر وعند المقابر مش حاضر حياته على النار وما بترافق بمشوار طالع نازل زي المنشار وشغله بالأصل سمسار وما بغادر المطار وبشكي منه كل جار وماخذ الدنيا بكرت غوار وما دامت لغيره ما زال الكرسي دوار بعده حصرم وبحلم يقطف النوار وبكرة بسمع يلي يصير واللي بعده ما صار.