أخر الأخبار

من هو

22-01-2020 11:56 AM
الشاهد - اسمه مركب وممنوع من الصرف وبالحكومة تعيين باخر لحظة وبأخر الصف . من بعد ما كان غايب عن الساحة ومحظوظ على الرف وما عنده اعمال ولا هو على البال ولا على الذكر ولف الزمان ولف .
عنده القعده على البير احسن من كل المشاوير وبحسبها كثير ويحاول يترقى ويصير رئيس وزاره بدل وزير ماله مثيل ومنقطع النظير من استاذ بالمدرسة لمدير .
بالمسؤولية بتعرفهوش لا حركة له ولا صوت وشعره دايما منكوش ، وما عنده خيار وفقوس ،وماشي مع اللي ينعدوا واللي ما ينعدوش ، وبباقي الناس مالوش . ويدير وجهه عن اللي ما بهمهوش , وبخاف يطلع مغشوش. وما بحكي مع اللي ما بدروش ودايما بتلاقيه مدووش . وما بحب اصحاب الكروش وبحب الدلال والقروش .
سافر لكل البلاد ورجع لمكانه بالواد وعلى حيله شاد . كثير مزمزه وما حدا عليه راد ، ويحكي عربي فرنجي وينتع بالحكي مثل سمعه بحارة ابو عواد وبحسبها من كل النواحي مثل سايق التكسي اللي عينه على العداد .
من جماعته محبوب ، مثل السكر لما يذوب ويظل في الضل من الشوب ، وبسمع لعبد الوهاب وطروب وما بحب يطلع مغلوب وبخاف على حاله من الرسوب . ما يدري بالمسؤولية وشوه منه مطلوب ،فوقاني تحتاني عمل الوزارة بالمقلوب.
وصلته معلومة برسالة ملغومة انه طاير مع الحكومة ومنها مش قادر يكمل نومه من السولافه المشؤومة وبفكرها دايمه له ومش رح تكمل من دونه وبس يطلع شغله ما حد يلومه هي الحياه هيك مرسومه .



تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع جريدة الشاهد الاسبوعية - الشاهد بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع جريدة الشاهد الاسبوعية - الشاهد علما ان التعليقات تعبر عن أصحابها فقط ولا تعبر عن رأي الموقع والقائمين عليه.
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :