اسمه الاول على وزن راشد، وتاريخه بائد وللمال عابد ولقرايبه مش قايد وعلى المجلس مش عايد .. ورأيه مش سايد وللغزلان مش صايد. ولخصومه مش كايد ولابناء منطقته مش فايد وبالمال السياسي اسمه وارد ساكت وقاعد لابد. اسمه الثاني بترشح منه المية وما بقعد الا بالفية وبنادي لبنات المجلس يا خيه، بالمجلس ما قدم سؤال .. ويغني على الميجنا والموال وكل يوم يغير جوال وبسمع للمطربة نوال .. قصير ومش من الطوال .. وللنيابة صرف الاموال وكفتوه بالشوال .. وبحب باسكال وما بلبس حطه ولا عقال .. ولا عباية ولا شروال.. على السياسة بيبي وبعده شباب .. وعمره ما انفتحله باب وسألوه وين مدينة الضباب وما عرف الها جواب وكل الطخ عليه وبعده مما تاب ويتفاخر بالانساب وحياته كلها عذاب .. وعنده من السيارات اسطول وما بعرف شو يقول - وبفكر حاله جنتيل مان وكول وهو كعك بعجوه ومعمول .. وبشرب بنادول .. وطلع من النظارة مبلول مش عارف راسه من اجريه مثل المسطول .. هل عرفتم هذا الفيول