اسمه الاول على وزن حيط ولا يخلو من الدهاء والكيد كل يوم له سولافه وكار ويمسك خيط ويترك خيط
بالمجلس عامل شله وما عنده اللي بعبي سله وحروفه كلها عله وبحياته ما مسك دله لا يقدم ولا يؤخر وكل فارش منديله على بسط في ترحاله وحله
أيامه فل الفل ومكروه من الكل وما عنده شمس تغيب ولا قمر يهل ولا سوالف ما تفش الغل وشاليشه مركب على جل ومن جلسة بفل على المجلس ما بطل وبحلم بشركة شيل وما معاه ثمن ضمة فجل واسبوعه كله عطل وعن قرايبه ما سال وما بمشيله عجل ان قعد او رحل وان غير مكانه من محل لمحل وتلفونه عن الناس فصل وما بحكي الصح ودايما بحب الجدل استعراضي وعامل فيها بطل.
دوار كراسي ومناسب ومصلحجي ويركض وراء المكاسب وبدور على المكان المناسب وعلى الطاولة ما بحاسب وبالنتيجة دايما راسب وموصوف بالمشاغب ويسمع للمرحوم مداح وما بحب راغب ومش متقدم ولا مواكب ودايما للوراء وبالسالب وبكل معركة بطلع مغلوب وبقول انا الغالب
وبالمجلس كثير المطالب وبين النواب ماشي موارب وعلى شغله مش مواظب وجاي مع الاسف بالمكان الغير مناسب
وان سألته ما بجاوب شب ومش شايب وحالق الشوارب وبكره يرجع على المضارب فاضي اليدين يلوم نفسه وماشي ومش راكب