اسمه من حارس دكتور وما فات مدارس وبالمجلس وما بحب المجالس وعامل فيها صولات وجولات وعرض بطولات وفارس بفوت دخله وبطلع من شارع ولعمله مش ممارس وهو خجول ولا هوعابس .
نائب جابوه القرايب لا حكومة ولا وزير منه هايب وما بحب يدفع ضرايب وعلى شغله مش مواظب ويشتغل على الموجب والسالب ولحيله مش كارب وبحب العقده بالمضارب وبحلق اللحيه وخفيف الشارب وبخاف من لسع العقارب كل ساعه بيده وبخلف بمواعيده والقعده بعمان يوم عيده ما حدا بعرف قديمه من جديده وبشرب حليب نياق وبكسره النيدو قصير ومش طويل ومشاريعه بدها تهليل وبحياته ما عمل تحليل وسيرته بين الناس والتعاليل صابغ شعره وما بلبس منديل وما بفتح كتاب وبقرأ مراسيل ولعيونه مسبل تسبيل وبحلم بوزارة عند كل تعديل
بقول عن حاله فاهم ومليح وبطرب على الصهلله والمديح وللحكومة بلوح تلويح وخايف بيوم يروح ويطيح .
فاتح مزرعته على الشارع .. للنازل والطالع قاعد وما بطلع على الرابع . ومن الشكاوي طلع فازع عند الانتخابات وما له منازع وكل مجلس بقول انا راجع للي بسمع واللي مش سامع ومن اللي حوليه زعلان وفاقع وصوته هادي ومش لامع ويتحاشى الامر الواقع