اسمه على وزن لزيز قاعد بعمان وبحلم بباريس مهمته بالمجلس هميز وغميز وشغله على الفاضي وبدون تركيز وقاعد بالصف الأخير ومطرز تطريز.
داير بين من مكان لمكان وما منه أمل وجلساته كلها ملل ومن الجهد ما بذل وقاعد من غير عمل وعلى الموعد عمره ما وصل معلول وغير موصول وعلى الغير اتكل واحلامه وصلت زحل حارثها وزارعها فجل على أمل يطلعله فيها نخل والكيلو عنده رطل وعن قاعدته نام وغفل وما همه مشاكل الناس ونايم بالعسل وما يدري انه الدنيا دواره والايام دول وراجع يضرب بالحلل.
عند البصاره ايامه خشب وشايفه فيها العجب وكل ما تقرأ له الفنجان ارتجف وارتعب والخوف بقطع الركب وعلى ظهره حمل حطب معلول وكله تعب منقلبا على نفسه وليس أي منقلب دايخ ولا يجيد فن الخطب ما له صوت ولا حس وبدور على الرتب وعلى هاروت وماروت بدور بين الكتب يشيل رصد ويقيم وتد ببعبش عن الذهب وعند الحجابين ياما حجب وحظه عمره ما جلب قصير ومش طايل قطف العنب وبعيد عن النبع ومنه ما شرب على كيفه بميل ويا ويله عند الرحيل.
ولا هو غزيل ولا جميل ويدحل مثل البرميل وبالوصف ماله مثيل وحياته من ايام قابيل وهابيل زي سلك التلفون موصل توصيل مرهوط وبده تعديل والزلمه بس شاطر بالتمثيل.