اسمه من ما حمد وعبد اصفراني اللون ومنفوخ مثل البالون وما برد على تلفون وبشكي من القولون وعلى حاله ما بمون من بعد الباصات صار يركب سيارة صالون بدخل بالمجلس مثل حجم القداحه والناس منه مش مرتاحه وما براجع دكتور ويروح على الفتاحه تشوف له البخت وتعمله من السحر جراحه وبخاف من الصراحه وكل يوم رحله و"سياحه" قبل الحظ سيرته على كل لسان بشكي وبقول عن حاله طفران ومن مطب لمطب ودايما علقان فنجري ومش سائل وبنطلونه دايما ساحل لا هو مليح ولا فصيح وما بعرف يجامل وراسب بامتحان الشامل وعلى الفاضي ولا هو شغل مراجل وداير بين المحاكم وما حدا منه سالم وبقول عن حاله عالم اسمه الثاني على وزن ميري وبحب جبنة كيري وطوله شبر ونص وطري مثل الحجر الطباشيري وما بقول للمراكب سيري وبحلم يتصور مع الحريري .
عمره ما زار بيت الا عند الانتخابات وعند موسم الزيت ولما يقع ما يلقى شفيع ويصرخ يا ريت ما ركضت ولا جريت وعلى الدنيا ما حييت وبصير يحكي سنسكريت وبلحقه ميت عفريت وبقعد يتحسر وبقول شو سويت ولما يشوف الديانه على باب البيت بقول يا ريتني على الحارة ما مريت بين النواب مش حاضر وعامل فيها مناظر ومسوي حاله شاطر وما بعمل لحدا خاطر .. هل عرفتم هذا الماهر .