اسمه الاول خير الانام، ويخبص بالكلام.. وعنده قلق وما بنام .. وما بعرف طريق الدوام .. وبحب اكل الشمام وبطبعه تمام وما بعرف البحتري ولا ابو تمام ومش حافظ اسماء ذوي المقام ومضيع الارقام .. ووجهه سمح وبسام لكنه مش همام. دخل جديد للوزارات وحملوه ثلاث بطيخات .. وبجهل بعمل الادارات وبحلم بالمليارات وباسطول سيارات وشغل جخه ولبس بدلات وبدور على العلاوات .. وما بعرف بالسياسة غير عمل القلايات .. شو جاب لجاب .. بتطرح عليه السلام وما بتلاقي منه جواب وبالدنيا مش قاري ولا كتاب غير اكل المشاوي والكباب وبطرب لعبدالوهاب ويلهث وراء السراب بغلط وعمره ما تاب وعلى اصحابه وقرايبه قلاب وحياته كلها عذاب وللبلاوي جلاب .. جاي من بلاد البلوط وبحر السياسة بعده بلبوط شايف حاله ومشعوط وبقول عن حاله مضغوط وبشغله مش مضبوط وكلامه مغلوط بمغلوط .. وما بعرف فقير ولا بعرف جوع .. اسبوع ومخلوع وبفكر حاله بالوزارة منقوع زي الصوص الممصوع وعلى الرف مزروع.