اسمه الاول من ما عبد وحمد ولا يحسب له حساب مع الرايح والجاي ولا مع المبسوط ولا المتنكد ودايما قاعد لحاله ومتربط وعلى الشغل مش متعود.

بده تقاعد وهو قاعد وبده رواتب وغير متواجد وبده كبه بالصينية وكباب مشوية وهو راقد وبده الناس تكون جنبه وهو لجاره مش مساعد وعمره ما فتح ملف لفاسد.

بالمجلس بلعب ومفرهد ومع الدبيكه والسحيجه للصف موحد وعمره ما أخذ قرار ودايما متردد ولا هو قديم ومتجدد ومزاجه مخربط ومتعدد.

لا هو وسطي ولا متشدد ناسي ومش محضر درسه وماشي بلولح بمسبحته

بلبس حطه وعقال وما معاه ولا موال وللحكومة ما وجه سؤال ويقولك دايما على البال ما برد على تلفون ولا على مرسال وعذره ما بحمل جوال .

وكل قوله الها موال وما بشوف لا من طاقه ولا من غربال وما بعرف طريق الشمال وبحب الوجاهة وكثرة المال والعيال .

شاطر برقصة الدحيه وما بعرف الراب وبالمنسف ميه ميه وبغطس بالشراب وبحب حياة البرية وعلى حاله مسكر الباب وبخلط العربية بالانجليزيه وعمره ما قرأ كتاب وبعد ما شاب ودوه الكتاب احلامه كبيرة ويركض ورى السراب ويقول عن حاله حريف وشاطر وبحاله بفاخر وعند الجد بطلع مسافر .