اسمه الأول على وزن نحمد وبالمجلس محنط وضعيف ومش مبطبط ومش حلو زي مهند وبيت الناس خشب مسند وبقضيها حزين ومشرد وبيغر السوالف الناكتة ما غرد. لا هو من قوم هاجوج ولا ماجوج وعايش عالمرجوج ويتهم انه من العلوج ودايما ايده على قلبه مخلوج. نائب من محافظة شرق عمان وما يوقف احتراما الا للنسوان وبفكر حالة فارس هذا الزمان وبتلف الأردن ما بتلاقي اله مكان والله اعلم كيف وصل البرلمان وبالمجلس اله عصابة زعران ودايم الدوم بتشوفه نعسان ومن بخله عمره ما وصل لبنان وعلى قرايبه يا الله شو منان وبالأسافين شاطر وفهمان وبالقوانين مش فهمان واللي متغطي فيه بردان وهو من قرايب شومان ويقود الشباب للعصيان وأفكاره مثل الصبيان وأوامره ياخذها من الشيطان. يدور على الشعبية على حساب الوحدة الوطنية وسوالفه منسية وراسب مية بالمية وهو من عشاق الملوخية وما يعرف جده الرابع من القرمية واله علاقة باللجنة الأولومبية وبدور على الارقام الوطنية ونادى بسحب الجنسية وبلعب على حقيبة وزارية ونزلت صورتة بالجريدة اليومية وبده يسكن بعلية على حساب الاردنية. وبخاف من الحسينية وللمصاري بأدي التحية ووزنه مع بصل وبقدونس ما بصل كيلو ووقية فهل عرفتم هذه الشخصية.