أخر الأخبار

من هو

14-02-2018 02:31 PM
عدد القراء : 394
الشاهد -
اسمه الاول على وزن عابد وشكله زي حبة الناشد وبفكر حاله قائد وتخرج برتبة رائد . اسمه الثاني قريب من اغنية عمر العبداللات عن مادبا وماعين وما بجيب سيرة فلسطين وبالصيف دايما بجيبته تين وبقول للحكومة بدنا اياكم سالمين ، والسنة بطبق الستين وبسبغ عشان يبين ابن العشرين .. وبدلاته بدها دراي كلين . وضعه المادي لوز , واساليبه ملتوية مثل قرن الموز ، وعمر قرايبه ما شالوه لعوز ، وغني مال ومحتاج ويعمل على الريموت والرجاج .. ولا يحب ان يقوم له اعوجاج. يسكن شمال عمان وخايف من اسئلة البرلمان وما بتعشى الا متبل باتنجان وشعاره بالدنيا يلعن راسه ابو الزعلان واله مزرعة قريبة من الحمة ورح يطير مع اول فرمان وناصح زي نعمان وبتغطى بالف حرام بس بظله بردان وبحب يشتغل مع عائلة بدران وعلى انجازاته عمره ما رح يتعلقله نيشان ،صوره علقت على الحيطان وفي دكان ابو حميدان ولا يذكر شيئا من الامثال وبفكر حاله دنجوان وبحب يلف بشوارع اربد وعمان بنمرة البرلمان بقوله شوفيني انا ابو عبيان ، دايم الدوم غافي ونعسان. دعم قرار رفع الاسعار ورح يدمر بسياسته الدينار .. وفي بيته ابصر من وين بعبي السولار .. ورح يفرقع زي البوشار وطالع ماكل زي المنشار وعامل حاله مختار .. ومش مسؤول عن اشي شو ما صار .



تعليقات القراء

لا يوجد تعليقات


أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع جريدة الشاهد الاسبوعية - الشاهد بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع جريدة الشاهد الاسبوعية - الشاهد علما ان التعليقات تعبر عن أصحابها فقط ولا تعبر عن رأي الموقع والقائمين عليه.
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :